1. ຄົ້ນຄ້ວາ ແລະ ນໍາສະເໜີຫົວໜ້າກົມກ່ຽວກັບຮ່າງ  ແລະ ປັບປຸງບັນດາ​ນິຕິ​ກຳກ່ຽວກັບການຄຸ້ມຄອງ​ການ​ຜະລິດ, ນຳ​ເຂົ້າ-ສົ່ງ​ອອກ, ສົ່ງ​ຜ່ານ, ຈໍ​ລະ​ຈອນ, ຈຳໜ່າຍຢາເສບຕິດ, ວັດຖຸ​ອອກ​ລິດ​ຕໍ່​ຈິດ-ປະສາດ, ເຄມີຕົ້ນ ວັດຖຸເຄມີອັນຕະລາຍທີ່ໃຊ້ໃນຄົວເຮືອນ ແລະ ເຄື່ອງສໍາອາງ;
2. ຄົ້ນຄ້ວາ ແລະ ສະເໜີຫົວໜ້າກົມພິຈາລະນາ ການຜະລິດ, ນຳ​ເຂົ້າ-ສົ່ງ​ອອກ, ສົ່ງ​ຜ່ານ, ຈໍ​ລະ​ຈອນ, ຈຳໜ່າຍ, ອອກ ຫຼື ລົບລ້າງໃບອະນຸຍາດນໍາເຂົ້າ, ຢາເສບຕິດ, ວັດຖຸ​ອອກ​ລິດ​ຕໍ່​ຈິດ-ປະສາດ, ເຄມີຕົ້ນ, ຂຶ້ນທະບຽນ ວັດຖຸເຄມີອັນຕະລາຍທີ່ໃຊ້ໃນຄົວເຮືອນ ແລະ ຈົດແຈ້ງເຄື່ອງສໍາອາງ;
3. ຄົ້ນຄ້ວາ ແລະ ນໍາສະເໜີຫົວໜ້າກົມໃນການຂໍແຜນການນໍາເຂົ້າ, ລາຍງານປະເພດຢາເສບຕິດ, ວັດຖຸອອກລິດຕໍ່ຈິດ-ປະສາດ ນໍາອົງການຄວບຄຸມຢາເສບຕິດສາກົນ (INCB);
4. ເປັນຈຸດປະສານງານໃນການຄຸ້ມຄອງການແຈ້ງເຕືອນການນໍາເຂົ້າສານເຄມີຕົ້ນ ກ່ອນການນໍາເຂົ້າກັບປະເທດຜູ້ສົ່ງອອກ (PEN-Online) ແລະ ລາຍງານການນໍາເຂົ້າ ການນໍາໃຊ້ສານເຄມີຕົ້ນປະຈໍາປີ ໃຫ້ແກ່ອົງການຄວບຄຸມຢາເສບຕິດສາກົນ (INCB);
5. ປະສານງານກັບພາກພື້ນ ແລະ ສາກົນ ກ່ຽວກັບການແຈ້ງເຕືອນແບບຮີບດ່ວນ ຜະລິດຕະພັນເຄື່ອງສຳອາງປອມແປງ ແລະ ບໍ່ໄດ້ມາດຕະຖານຄຸນນະພາບ (PMAS);
6. ຕິດ​ຕາມ, ຊຸກ​ຍູ້,  ກວດ​ກາ ແລະ ປະ​ເມີນ​ຜົນ ທຸກຫົວໜ່ວຍ​ການ​ຈັດ​ຕັ້ງທີ່​ດຳ​ເນີນກິດຈະກຳກ່ຽວກັບການຜະ​ລິດ, ນຳ​ເຂົ້າ-​​ສົ່ງ​ອອກ, ນຳ​ຜ່ານ, ຈໍ​ລະ​ຈອນ​ແຈກ​ຢາຍ, ຈຳ​ໜ່າຍ ​ແລະ ​ນຳ​ໃຊ້ຢາ​ເສບ​ຕິດ, ວັດ​ຖຸ​ອອກ​ລິດຕໍ່​ຈິດ-ປະ​ສາດ, ຢາ​ເບື່ອ-​​ຢາອັນ​ຕະ​ລາຍ​, ເຄ​ມີ​ຕົ້ນ (ສານ​ເຄ​ມີຄວບ​ຄຸມ),  ວັດຖຸເຄມີອັນຕະລາຍທີ່ໃຊ້ໃນຄົວເຮືອນ ແລະ ເຄື່ອງ​ສຳ​ອາງໃຫ້ຖືກ​ຕ້ອງ​ຕາມ​ກົດ​ໝາຍ;
7. ສະຫຼຸບສັງລວມ ລາຍງານການນຳເຂົ້າ, ການປຸງແຕ່ງ-ການ​ຜະລິດ, ການສົ່ງຜ່ານ, ການຈໍລະຈອນຈຳໜ່າຍ ແລະ ການນຳໃຊ້ຢາເສບຕິດ, ວັດຖຸອອກລິດຕໍ່ຈິດ-ປະສາດ, ເຄມີຕົ້ນ ແລະ ເຄື່ອງສໍາອາງ;
8. ຊຸກຍູ້-ສົ່ງເສີມ ແລະ ສະເໜີຫົວໜ້າກົມພິຈາລະນາຢັ້ງຢືນ ການຜະລິດເຄື່ອງສໍາອາງທີດີ (CGMP);
9.   ສະຫລຸບລາຍ​ງານສະພາບ​ການ​ເຄື່ອນ​ໄຫວ​ຂອງ​ພະແນກໃນແຕ່ລະໄລຍະໃຫ້ພະແນກບໍລິຫານເພື່ອສັງລວມ​;
10.   ປະຕິບັດ​ໜ້າ​ທີ່​ອື່ນໆ ຕາມ​ການ​ມອບ​ໝາຍ​ຂອງ​ຄະນະ​ກົມ.

ໂຄງຮ່າງການຈັດຕັ້ງ