ຊົມເຊີຍວັນຄູ່ແຫ່ງຊາດຢ່າງສຸດໃຈ!; ຊົມເຊີຍວັນປະກາດເອກະລາດຢ່າງສຸດໃຈ!                                                                                                                                                                                                      ເພີ້ມຄວາມເຂັ້ມແຂງ ຂອງວຽກງານຄຸ້ມຄອງອາຫານ ແລະ ຢາ, ເພື່ອຈັດຕັ້ງປະຕິບັດວຽກງານເຊື່ອມໂຍງປະຊາຄົມເສດຖະກິດອາຊຽນຢ່າງມີປະສິດທິຜົນ.!                                                                                                                                                                                                       LAO  ENG 
 

ສະຖິຕິການຢ້ຽມຊົມ
 ກໍາລັງຊົມເວັບໄຊທ໌ໃນຂະນະນີ້ 25
 ມື້ນີ້ 74
 ມື້ວານນີ້ 100
 ເດືອນນີ້ 2,327
 ເດືອນແລ້ວນີ້ 3,680
 ປີນີ້ 44,190
 ປີກາຍນີ້ 39,132
 ທັງໝົດ 94,176

 

ຂ່າວສານ ອາຫານ ແລະ ຢາ


ມອບ-ຮັບ ອາຄານວິໄຈອາຫານປອດໄພຫຼັງໃໝ່
ປະກາດໂດຍ: ສຸກສົມຄວນ ຈັນທະມາດ, ວັນທີ: 26/04/2017

ບົດຂ່າວຈາກ ໜັງສືພິມປະຊາຊົນ

(ສະບັບລົງວັນທີ 26-4-2017)

    ກະຊວງສາທາລະນະສຸກ ໄດ້ຈັດພິທີມອບ-ຮັບອາຄານວິໄຈອາຫານປອດໄພຫຼັງໃໝ່ໃນວັນທີ 24 ເມສາ ນີ້ ຊຶ່ງນອນຢູ່ໃນສູນວິໄຈພະຍາດຊຶມເຊື້ອ ຄຣິດສະຕົບ ເມຣິເອີລາວ ນະຄອນຫລວງວຽງຈັນ ໂດຍການເຂົ້າຮ່ວມຂອງທ່ານ ຮອງສາດສະດາຈານ ດຣ. ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ, ມີເອກອັກຄະລະຖະທູດຝຣັ່ງປະຈໍາລາວ, ມີປະທານສະຖານບັນ ເມຣິເອີ ພ້ອມແຂກຖືກເຊີນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

        ອາຄານວິໄຈອາປອດໄພ ໄດ້ຮັບການຊ່ວຍເຫຼືອຈາກມູນນິທິ ເມຣິເອີ ປະເທດຝຣັ່ງ ໃນມູນຄ່າ 1,5 ລ້ານໂດລາສະຫະລັດ ແລະ ລັດຖະບານລາວ ໄດ້ສົມທົບທຶນເຂົ້າໃນການກໍ່ສ້າງຫ້ອງວິໄຈອາຫານທີ່ທັນສະໄໝ ຊຶ່ງປະກອບມີເຄື່ອງວິໄຈ, ສັບຊ້ອນບັນຈຸພະນັກງານວິຊາການ ເພື່ອໃຫ້ໄດ້ເຄື່ອນໄຫວຢ່າງມີປະສິດທິຜົນ ຊຶ່ງການກໍ່ສ້າງ ໄດ້ດໍາເນີນເປັນ ເວລາ 18 ເດືອນ ຈຶ່ງສໍາເລັດ. ພາຍຫຼັງສໍາເລັດແລ້ວ ຕຶກວິໄຈອາຫານປອດໄພໃໝ່ ແມ່ນມອບໃຫ້ກະຊວງສາທາລະນະສຸກເປັນຜູ້ຄຸ້ມຄອງ ແລະ ນໍາໃຊ້ຕໍ່ໄປ ຊຶ່ງຈະເປັນການປະກອບສ່ວນອັນໃຫຍ່ຫຼວງຕໍ່ວຽກງານວິໄຈຄຸນນະພາບອາຫານ ເພື່ອຄຸ້ມຄອງ ແລະ ເຝົ້າລະວັງໃຫ້ມີອາຫານທີ່ປອດໄພຕໍ່ຜູ້ບໍລິໂພກ ທັງສອດຄ່ອງຕາມກົດໝາຍ, ລະບຽບການ ແລະ ມາດຕະຖານທີ່ກໍານົດໄວ້. ໂອກາດດັ່ງກ່າວ ທ່ານ ຮອງສາດສະດາຈານ ດຣ. ບຸນກອງ ສີຫາວົງ ແລະ ແຂກຖືກເຊີນ ໄດ້ຮ່ວມກັນຕັດແຖບຝ້າເພື່ອມອບ-ຮັບ ແລະ ເປີດນໍາໃຊ້ຕຶກວິໄຈອາຫານປອດໄພ ຫຼັງໃໝ່ຢ່າງເປັນທາງການ.