ຊົມເຊີຍວັນຄູ່ແຫ່ງຊາດຢ່າງສຸດໃຈ!; ຊົມເຊີຍວັນປະກາດເອກະລາດຢ່າງສຸດໃຈ!                                                                                                                                                                                                      ເພີ້ມຄວາມເຂັ້ມແຂງ ຂອງວຽກງານຄຸ້ມຄອງອາຫານ ແລະ ຢາ, ເພື່ອຈັດຕັ້ງປະຕິບັດວຽກງານເຊື່ອມໂຍງປະຊາຄົມເສດຖະກິດອາຊຽນຢ່າງມີປະສິດທິຜົນ.!                                                                                                                                                                                                       LAO  ENG 
 

ສະຖິຕິການຢ້ຽມຊົມ
 ກໍາລັງຊົມເວັບໄຊທ໌ໃນຂະນະນີ້ 28
 ມື້ນີ້ 74
 ມື້ວານນີ້ 100
 ເດືອນນີ້ 2,327
 ເດືອນແລ້ວນີ້ 3,680
 ປີນີ້ 44,190
 ປີກາຍນີ້ 39,132
 ທັງໝົດ 94,176

 

ຂ່າວສານ ອາຫານ ແລະ ຢາ


ລະນຶກເຖິງຜົນງານ ແລະ ສັນລະເສີນຄຸນງາມຄວາມດີຂອງແພດລາວ
ປະກາດໂດຍ: ສຸກສົມຄວນ ຈັນທະມາດ, ວັນທີ: 20/06/2017

ບົດຂ່າວຈາກໜັງສືພິມ ວຽງຈັນໃໝ່ ສະບັບວັນທີ 20 ມິຖຸນາ 2017

 

ກະຊວງ​ສາທາລະນະ​ສຸກ ໄດ້ຈັດ​ພິທີ​ສະເຫຼີມສະຫຼອງ​ວັນ​ແພດລາວ 18 ມິຖຸນາ​ຂຶ້ນ ວັນ​ທີ 19 ມິຖຸ​ນາ 2017 ທີ່​ສູນ​ໄອ​ທີ​ຊີ​ທີ ນະຄອນ​ຫຼວງ​ວຽງ​ຈັນ ໂດຍ​ເປັນ​ປະທານ​ຂອງ​ທ່ານ ຮສ ດຣ. ບຸນ​ກອງ ສີ​ຫາວົງ ລັດຖະມົນຕີ​ກະຊວງ​ສາ​ທາລະນະ​ສຸກ ມີ​ຄະນະ​ນຳ​ກະຊວງ ພະນັກງານ​ອາວຸໂສ​ບຳນານ ແລະ ພະນັກງານ​ແພດ ພະຍາບານ ​ເຂົ້າ​ຮ່ວມ 300 ກວ່າ​ຄົນ.

ໃນ​ພິທີ​ທ່ານ ຮສ ດຣ. ບຸນ​ກອງ ສີ​ຫາວົງ ໄດ້​ຍົກ​ໃຫ້​ເຫັນ​ເຖິງ​ປະຫວັດຄວາມ​ເປັນ​ມາ​ຂອງ​ວັນ​ແພດ​ລາວ​ ແມ່ນ​ວັນ​ໜຶ່ງ​ທີ່​ເປັນ​ປະຫວັດສາດອັນ​ລ້ຳ​ຄ່າ ​ຂອງ​ຂະແໜງການ​ກະຊວງ​ສາ​ທະ​ລະນະ​ສຸກ ເປັນ​ວັນສ້າງ​ຂະ​ບວນ​ການ​ກິດຈະກຳຕ່າງໆ ເພື່ອ​ລະນຶກ​ເຖິງ​ຜົນງານ ແລະ ສັນລະເສີນ​ຄຸນ​ງາມ​ຄວາມດີ​ຂອງ​ແພດ​ລາວ ໃນ​ສະໄໝ​ຕໍ່ສູ້ກູ້​ຊາດ ກໍ່​ຄືສະໄໝ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດຊາດ​ວັນ​ແພດ​ລາວ ໄດ້​ກຳເນີດຂຶ້ນ​ຜ່ານ​ຂະ​ບວນ​ວິວັດ​ແຫ່ງ​ການເຕີບ​ໃຫຍ່​ຂະຫຍາຍຕົວ​ຂອງການ​ແພດ​ລາວໃນ​ແຕ່​ລະສະ​ໄໜ ແຕ່​ດຶກ​ດຳ​ບັນ ແລະ ຕິດ​ພັນ​ກັບການ​ຕໍ່​ສູ່​ກູ້​ຊາດ​ແຕ່​ລະ​ໄລຍະ ໃນປີ 1963 ສະໜາມຮົບ​ຕໍ່​ສູ່​ກູ້​ຊາດຕ້ານ​ພວກ​ລ່າ​ເມືອງ​ຂຶ້ນ​ແບບ​ໃໝ່ ໄດ້​ເປີດ​ກວ້າງ​ອອກ​ທົ່ວ​ປະເທດເຂດ​ປົດ​ປ່ອຍ​ກໍ່​ນັບ​ມື້ນັບ​ຂະຫຍາຍ​ຕົວ ໂດຍ​ແພດ​ໝໍ​ໄດ້​ເຮັດໜ້າທີ່​ໃນ​ການ​ຮັກສາ​ປິ່ນປົວ​ສຸ​ຂະພາບ ​ໃຫ້​ແກ່​ພະນັກງານ​ນັກຮົບ ແລະ ປະຊາຊົນ​ຢ່າງ​ບໍ່​ຮູ້​ອິດ​ຮູ້ເມື່ອຍ.

ໃນ​ວັນ​ທີ 18 ມິຖຸນາ 1965 ສູນ​ກາງ​ພັກ ແລະ ແນວ​ລາວ​ຮັກຊາດ ຈຶ່ງ​ໄດ້​ຕົກລົງ​ແຍກ​ຂະແໜງສາທາລະນະ​ສຸກ ອອກ​ເປັນ​ສອງອົງ​ການຈັດຕັ້ງຄື: ເສນາ​ຮັກ​ເພື່ອຮັບ​ໃຊ້​ກອງທັບ ແລະ ສາ​ທາ​ລະນະ​ສຸກ ເພື່ອ​ຮັບ​ໃຊ້​ພົນ​ລະ​ເຮືອນປະທານ ໄກສອນ ພົມວິຫານ ໄດ້ກ່າວ​ໃນ​ກອງ​ປະຊຸມ​ສາທາລະນະສຸກ​ທົ່ວ​ປະເທດ ຄັ້ງ​ທີ II ໃນ​ວັນ​ທີ 11 ມີນາ 1965 ວ່າ: ຈະ​ສະເໜີຄະນະ​ເລຂາທິການ​ສູນ​ກາງ​ພັກ ແລະ ສະພາ​ລັດຖະມົນຕີ ​ເລືອກເອົາ​ມື້​ໃດ​ມື້ໜຶ່ງ​ທີ່​ມີ​ຄວາມ​ໝາຍປະຫວັດສາດ​ເປັນ​ວັນ​ແພດ​ລາວຈາກ​ແນວ​ຄິດ​ຊີ້​ນຳ​ຂອງ​ປະທານ ໄກສອນ ພົມວິຫານ ແລະ ເຫດຜົນ​ດັ່ງກ່າວ​ນັ້ນ ກະຊວງ​ສາ​ທາລະນະ​ສຸກ ​ໄດ້​ນຳ​ສະເໜີ​ລັດ​ຖະບານ ແລະ ສະພາ​ແຫ່ງ​ຊາດ ຊຸດທີ VII ແລະ ໄດ້​ຮັບ​ການ​ເຫັນ​ດີໃຫ້​ບັນຈຸ​ເຂົ້າ​ໃນ​ກົດໝາຍ​ປິ່ນປົວສະບັບ​ປັບປຸງເລກ​ທີ 58/​ສພຊ ລົງ​ວັນ​ທີ 24 ທັນວາ 2014 ມີ 10 ໝວດ 76 ມາດຕາ ແລະ ໄດ້​ກຳນົດ​ເອົາ​ວັນທີ 18 ມິຖຸນາ​ຂອງ​ທຸກປີ​ເປັນ​ວັນ​ແພດ​ລາວ.

ການ​ສະເຫຼີມສະຫຼອງ​ວັນ​ແພດລາວ​ຄັ້ງ​ນີ້ ເພື່ອ​ເປັນ​ການ​ປູກ​ຈິດສຳນຶກ​ໃຫ້​ແກ່​ພະນັກງານ​ແພດ​​ໝໍ-ພະຍາບານ ພະນັກງານ​ສາ​ທາລະນະ​ສຸກ​ລາວ ໄດ້​ສືບ​ທອດ​ຮ່ຳຮຽນ​ເອົາ​ແບບຢ່າງ​ອັນ​ດີງາມຂອງ​ແພດ​ໝໍ ແລະ ພະນັກງານສາທາລະນະ​ສຸກ​ຮຸ່ນ​ກ່ອນ ​ອອກແຮງ​ເຝິກຝົນ​ຫຼໍ່​ຫຼອມ​ສ້າງ​ຕົນເອງ​ໃຫ້​ພຽບ​ພ້ອມ​ໄປ​ດ້ວຍ​ຄຸນ​ສົມບັດ ຈັນຍາທຳ​ວິຊາ​ຊີບ ແລະ ຄວາມ​ຊຳນານ​ງານ​ດ້ານ​ວິຊາ​ສະເພາະ ເພື່ອ​ກາຍເປັນ​ແພດ​ແຫ່ງຊາດ ແລະ ແພດ​ປະຊາຊົນ ສົມກຽດ​ສັກ​ສີ​ທີ່​ວ່າ: ເປັນ​ນັກຮົບເສື້ອ​ຂາວ​ປະຕິວັດ​ຂອງ​ພັກປັດ​ຈຸບັນ ພະນັກງານ​ສາທາລະນະ​ສຸກມີ 19.584 ຄົນ ຍິງ 12.370 ຄົນ ໃນ​ນັ້ນຢູ່​ຂັ້ນ​ສູນ​ກາງ 3.744 ຄົນ ຂັ້ນ​ແຂວງ 4.562 ຄົນ ຂັ້ນ​ເມືອງ 7.136 ຄົນ ແລະ ສຸກສາລາ 4.262 ຄົນ.