ຊົມເຊີຍວັນຄູ່ແຫ່ງຊາດຢ່າງສຸດໃຈ!; ຊົມເຊີຍວັນປະກາດເອກະລາດຢ່າງສຸດໃຈ!                                                                                                                                                                                                      ເພີ້ມຄວາມເຂັ້ມແຂງ ຂອງວຽກງານຄຸ້ມຄອງອາຫານ ແລະ ຢາ, ເພື່ອຈັດຕັ້ງປະຕິບັດວຽກງານເຊື່ອມໂຍງປະຊາຄົມເສດຖະກິດອາຊຽນຢ່າງມີປະສິດທິຜົນ.!                                                                                                                                                                                                       LAO  ENG 
 

ສະຖິຕິການຢ້ຽມຊົມ
 ກໍາລັງຊົມເວັບໄຊທ໌ໃນຂະນະນີ້ 21
 ມື້ນີ້ 73
 ມື້ວານນີ້ 100
 ເດືອນນີ້ 2,327
 ເດືອນແລ້ວນີ້ 3,680
 ປີນີ້ 44,190
 ປີກາຍນີ້ 39,132
 ທັງໝົດ 94,176

 

ຂ່າວສານ ອາຫານ ແລະ ຢາ


ສູນວິໄຈອາຫານແລະຢາ ໄດ້ຮັບການຮັບຮອງມາດຕະຖານສາກົນ ISO/IEC 17025
ປະກາດໂດຍ: ສຸກສົມຄວນ ຈັນທະມາດ, ວັນທີ: 06/07/2017

ສູນວິໄຈອາຫານແລະຢາ, ກະຊວງ​ສາທາລະນະ​ສຸກ

ໄດ້ຮັບການຮັບຮອງມາດຕະຖານສາກົນ ISO/IEC 17025

 

ບົດຂ່າວ: ຈາກສູນວິໄຈອາຫານ ແລະ ຢາ

 

ສູນວິໄຈອາຫານແລະຢາໄດ້ລິເລີ້ມກະກຽມລະບົບ ISO/IEC 17025 ນັບແຕ່ປີ 2006 ເພື່ອຂໍການຮັບຮອງມາດຕະຖານສາກົນ ISO/IEC 17025 ໃຫ້ແກ່ຫ້ອງທົດລອງອາຫານດ້ານຈຸລິນຊີໂດຍການຊ່ວຍເຫຼືອຂອງໂຄງການ UNIDO Phase 1. ​ໄດ້​ມີ​ການ​ກະກຽມຄວາມ​ພ້ອມ​ທີ່​ຈໍາ​ເປັນ​​ເຊັ່ນ:ສ້າງເອກະສານຄູ່ມືຄຸນນະພາບ, ຄູ່ມືປະຕິບັດດ້ານການບໍລິຫານແລະຄູ່ມືປະຕິບັດດ້ານວິຊາການຕະຫຼອດຮອດແບບຟອມທີ່ນໍາໃຊ້ຕ່າງໆ,ວິທີທົດສອບ, ການ​ເຂົ້າຮ່ວມທົດ​ສອບ​ຄວາມ​ຊໍານານ (PTs) ພ້ອມດຽວກັນກໍ່ໄດ້ຝຶກອົບຮົມໃຫ້ພະນັກງານວິຊາການໃຫ້ມີຄວາມຊໍານານງານເພື່ອກຽມພ້ອມສໍາລັບການຮັບຮອງ.ມາຮອດເດືອນພະຈິກ 2009, ສູນວິໄຈອາຫານແລະຢາໄດ້ຖືກປະເມີນຄັ້ງທໍາອິດຈາກອົງການ NATA, ປະເທດ Australia ຊຶ່ງໄລຍະນັ້ນເປັນໄລຍະສຸດທ້າຍຂອງໂຄງການ UNIDO Phase 1 ແລະໂຄງການດັ່ງກ່າວກໍ່ໄດ້ສິ້ນສຸດລົງເຮັດໃຫ້ສູນວິໄຈອາຫານແລະຢາພາດໂອກາດ​ໃນການຮັບຮອງຄັ້ງນັ້ນ.

ອົງການ UNIDO Phase 3 (2013-2017) ໄດ້ສືບຕໍ່ໃຫ້ການສະໜັບສະໜູນໂຄງການຮັບຮອງຂອງສູນວິໄຈອາຫານແລະຢາອີກຄັ້ງ, ຊຶ່ງສູນວິໄຈອາຫານແລະຢາໄດ້ທໍາການປັບປຸງຄືນ​ໃໝ່ບັນດາເອກະສານທີ່ໄດ້ກະກຽມມາແລ້ວໃຫ້ດີຂຶ້ນກ່ວາເກົ່າພ້ອມທັງກະກຽມວັດຖຸອຸປະກອນແລະບຸກຄະລາກອນໃຫ້ຢູ່ໃນທ່າກຽມພ້ອມສໍາລັບການຮັບຮອງ​ໃນຄັ້ງນີ້. ຮອດເດືອນມັງກອນ 2017, ສູນວິໄຈອາຫານແລະຢາໄດ້ຖືກປະເມີນໂດຍອົງການຮັບຮອງມາດຕະຖານສາກົນ ISO/IEC17025 ຂອງປະ​ເທດສ.ສ.ຫວຽດນາມ (VILAS). ຜ່ານການກວດປະເມີນຂອງຊ່ຽວຊານແລະຄະນະກໍາມະການຈາກVILAS, ດັ່ງນັ້ນຮອດວັນທີ05 ພຶດສະພາ 2017ສູນວິໄຈອາຫານແລະຢາຊຶ່ງ​ແມ່ນ​ຫ້ອງ​ວິ​ໄຈ​ແຫ່ງ​ດຽວຂອງສ.ປ.ປລາວທີ່​ໄດ້​ຖືກ​ຮັບຮອງ​ມາດຕະຖານສາກົນ ISO/IEC17025 ຈາກVILAS (​ໃບຢັ້ງຢືນເລກທີ: 1019 ລົງ​ວັນ​ທີ 05 ພຶດສະພາ 2017). ໃບຢັ້ງຢືນການ​ຮັບຮອງນີ້​ແລະມີອາຍຸຮອດວັນທີ05 ພຶດສະພາ 2020 (3 ປີ).

ການ​ຮັບຮອງ​ດັ່ງກ່າວ ​ແມ່ນເປັນການ​ປະກອບສ່ວນ​ອັນ​ໃຫຍ່ຫຼວງ ​ໃຫ້​ແກ່​ສ.ປ.ປລາວ​ ​ໃນ​ການ​ເຊື່ອມ​ໂຍງກັບ​ອາ​ຊຽນ ​ແລະສາກົນ ​ເພື່ອ​ເປັນ​ການ​ສົ່ງ​ເສີມ ​ໃຫ້​ການ​ຜະລິດ​ສິນຄ້າພາຍ​ໃນ​ເພື່ອສົ່ງ​ອອກຂາຍຕ່າງປະ​ເທດ ​ໄດ້​ຮັບ​ການ​ຢັ້ງຢືນ​ຄຸນ​ນະພາ​ບທີ່​ໜ້າ​ເຊື່ອ​ຖື ​ແລະຍອມຮັບຂອງ​ ສາກົນທັງ​ເປັນ​ການ​ຕອບ​ສະ​ໜອງການ​ພັດທະນາ ​ເສດ​ຖະກິດ-ສັງຄົມ​ໃຫ້ ນັບ​ມື້ມີ​ຄວາມ​ເຂັ້ມ​ແຂງຂຶ້ນ​ເທື່ອ​ລະ​ກ້າວ. ​

 

ກົດນີ້ເບິ່ງໃບຢັ້ງຢືນ ISO/IEC 17025