| |
FOOD AND DRUG DEPARTMENT NEWS & ACTITIVITIES |
| |
| ກອງປະຊຸມເຜີຍແຜ່ຍຸດທະສາດ ການພັດທະນາການຢາໂຮງໝໍ ແລະ ຄູ່ມືການຈັດຕັ້ງປະຕິບັດວຽກງານການຢາໂຮງໝໍທີ່ດີ | | Posted By: ວ່າງຈື້ຊົ່ງ ຕົງນາມະວົງ, Date: 30/01/2023 |
| ໂດຍ: ກອງມະນີ ນາມມະວົງມີໄຊ |
| ວັນທີ 24-25 ມັງກອນ 2022 ກົມອາຫານ ແລະ ຢາ ໄດ້ເປີດກອງປະຊຸມເຜີຍແຜ່ຍຸດທະສາດ ການພັດທະນາວຽກງານການຢາໂຮງໝໍ ແລະ ຄູ່ມືການຈັດຕັ້ງປະຕິບັດວຽກງານການຢາໂຮງໝໍທີ່ດີ ຂຶ້ນຢູ່ແຂວງວຽງຈັນ ໂດຍການເປັນປະທານຂອງ ທ່ານ ປອ ດຣ ສຸລິສັກ ສູນວໍລະວົງ, ຮອງຫົວໜ້າກົມອາຫານ ແລະ ຢາ. ກອງປະຊຸມຄັ້ງນີ້ມີຜູ້ເຂົ້າຮ່ວມທັງໝົດ 83 ທ່ານ ທີ່ມາຈາກກົມປິ່ນປົວ-ຟື້ນຟູໜ້າທີ່ການ, ກົມຈັດຕັ້ງ-ພະນັກງານ, ກົມອາຫານ ແລະ ຢາ, ກອງກວດກາອາຫານ ແລະ ຢາ, ສູນສະໜອງຢາ-ອຸປະກອນການແພດ ແລະ 5 ໂຮງໝໍສູນກາງ, ອາຫານ ແລະ ຢາແຂວງ, ຄະນະອຳນວຍການໂຮງໝໍແຂວງ 18 ແຂວງ ແລະ ຕ່າງໜ້າຈາກອົງການອະນາໄມໂລກ ແລະ ອົງການໄຈ. |
 |
| ຈຸດປະສົງຂອງກອງປະຊຸມແມ່ນ ເພື່ອເຜີຍແຜ່ຍຸດທະສາດການພັດທະນາວຽກງານການຢາໂຮງໝໍ ແລະ ຄູ່ມືການການຈັດຕັ້ງປະຕິບັດວຽກງານການຢາໂຮງໝໍທີ່ດີ; ປັບປຸງ ແລະ ພັດທະນາວຽກການຢາໂຮງໝໍໃຫ້ໄດ້ມາດ ຕະຖານການຢາໂຮງໝໍທີ່ດີ ແນ່ໃສ່ຮັບປະກັນໃຫ້ມີຢາຈຳເປັນພື້ນຖານທີ່ມີຄຸນນະພາບ, ປະສິດທິພາບ, ປອດໄພ ຊຶ່ງທຸກຄົນສາມາດເຂົ້າເຖີງໄດ້ ແລະ ກຳນົດບັນດາມາດຕະຖານ ແລະ ຕົວຊີ້ບອກຂອງວຽກງານການຢາໂຮງໝໍທີ່ດີ. |
 |
| ຜູ້ເຂົ້າຮ່ວມກອງປະຊຸມແມ່ນ ເຫັນດີເປັນເອກະພາບ ນຳເອົາເນື້ອໃນຂອງຍຸດທະສາດການພັດທະນາວຽກງານການຢາໂຮງໝໍ ແລະ ຄູ່ມືການຈັດຕັ້ງປະຕິບັດວຽກງານການຢາໂຮງໝໍທີ່ດີ ໄປຜັນຂະຫຍາຍ ຈັດຕັ້ງປະຕິບັດຢູ່ໂຮງໝໍຂອງຕົນ ແລະ ທີ່ປະຊຸມກໍ່ເຫັນດີຕົກລົງ ຄັດເລືອກເອົາ ໂຮງໝໍແຂວງສະຫວັນນະເຂດ ແລະ ໂຮງໝໍແຂວງວຽງຈັນ ເປັນໂຮງໝໍຕົວແບບໃນການເລີ້ມຈັດຕັ້ງປະຕິບັດວຽກງານການຢາໂຮງໝໍທີ່ດີ ໂດຍເລີ້ມຈັດຕັ້ງປະຕິບັດ ນັບແຕ່ 01 ກຸ່ມພາ 2023 ເປັນຕົ້ນໄປ. |
|
|
| |
|
|
.jpg)
