ອວຍພອນອະດີດການນໍາຂອງກະຊວງສາທາລະນະສຸກ

ເພື່ອສະແດງຄວາມຮູ້ບຸນຄຸນຕໍ່ ອະດີດການນໍາພັກລັດຂອງກະຊວງສາທາລະນະສຸກ, ດັ່ງນັ້ນ, ເນື່ອງໃນວາລະໂອກາດວັນສົ່ງທ້າຍປີເກົ່າ ຄສ 2017 ແລະ ຕ້ອນຮັບປີໃໝ່ ຄສ 2018, ກົມອາຫານ ແລະ ຢາ ກະຊວງສາທາລະນະສຸກ ນໍາໂດຍທ່ານ ດຣ. ສົມທະວີ ຈາງວິສົມມິດ ຄະນະປະຈໍາພັກກະຊວງ, ປະທານກວດກາພັກ, ຫົວໜ້າກົມອາຫານ ແລະ ຢາ ແລະ ຄະນະກົມ ພ້ອມດ້ວຍຕາງໜ້າຈາກ 3 ອົງການຈັດຕັ້ງມະຫາຊົນ: ຊາວໜຸ່ມ, ແມ່ຍິງ ແລະ ກໍາມະບານ ຂອງກົມອາຫານ ແລະ ຢາ ພ້ອມດ້ວຍພະນັກງານຈໍານວນໜຶ່ງ ໄດ້ອວຍພອນ ທ່ານ ດຣ. ປອນເມກ ດາລາລອຍ ອະດີດລັດຖະມົນຕີກະຊວງສາທາລະນະສຸກ; ແລະ ທ່ານ ດຣ. ວິໄລວັງ ພິມມະສອນ ອະດີດ ຫົວໜ້າກົມອາຫານ ແລະ ຢາ ພ້ອມດ້ວຍ ທ່ານ ນາງ ຈັນຖະໝອມ ມະໂນທໍາ, ແລະ ທ່ານ ນາງ ຈັນເພັງ ວິລະວົງ ທີ່ໄດ້ຮັບບໍານານ ໃນວັນທີ 31 ທັນວາ 2017 ຜ່ານມານີ້.