ກອງປະຊຸມປະສານງານດ້ານແຜນການ, ການຮ່ວມມື ແລະ ຂໍ້ມູນຂາວສານສາທາທົ່ວປະເທດຄັ້ງທີ I ໄດ້ຈັດຂຶ້ນທີ່ຫ້ອງປະຊຸມຫ້ອງການປົກຄອງແຂວງບໍລິຄຳໄຊ, ໃນວັນທີ 29-31 ຕຸລາ ນີ້, ພາຍໃຕ້ການເປັນປະທານຂອງທ່ານ ຄຳພອນ ພຸດທະວົງ ຮອງລັດຖະມົນຕີກະຊວງສາທາລະນະສຸກ ໂດຍມີຜູ້ເຂົ້າຮ່ວມຈາກ 8 ແຜນງານຂອງກະຊວງສາທາລະນະສຸກ, ຫົວໜ້າພະແນກສາທາລະນະສຸກແຂວງ 18 ແຂວງ ທົ່ວປະເທດ ແລະ ມີພາກສ່ວນທີ່ກ່ຽວຂ້ອງເຂົ້າຮ່ວມ.
ຈຸດປະສົງຂອງກອງປະຊຸມຄັ້ງນີ້ເພື່ອສ້າງຄວາມເຂັ້ມແຂງໃນການປະສານງານກ່ຽວກັບວຽກງານແຜນການ, ການຮ່ວມມື ແລະ ຂໍ້ມູນຂ່າວສານສາທາລະນະສຸກ; ຜ່ານຮ່າງບົດສະຫຼຸບການຈັດຕັ້ງປະຕິບັດວຽກງານສາທາລະນະສຸກ 9 ເດືອນ ແລະ ແຜນ 3 ເດືອນທ້າຍປີ; ຜ່ານຮ່າງແຜນພັດທະນາສາທາລະນະສຸກປີ 2019 ແລະ ຮ່າງຄາດຄະເນງົບປະມານການລົງທຶນ; ປະເມີນ-ຕີລາຄາຄາດໝາຍ 10 ຕົວຊີ້ວັດຂອງຂະແໜງການສາທາລະນະສຸກທີ່ສະພາແຫ່ງຊາດຮັບຮອງ; ເອກະພາບກັບບັນດາສາຍແຜນງານຂັ້ນສູນກາງ ແລະ ທ້ອງຖິ່ນ; ເອກະພາບກຳນົດໃນການສົ່ງບົດສະຫຼຸບການຈັດຕັ້ງປະຕິບັດວຽກງານສາທາລະນະສຸກແຕ່ລະໄຕມາດ ແລະ ການສ້າງແຜນພັດທະນາສາທາລະນສຸກ ປີ 2020.
ຄາດຄະເນຜົນຈະໄດ້ຮັບຈາກກອງປະຊຸມດັ່ງກ່າວແມ່ນຈະໄດ້ເຊື່ອມຊຶມເຂົ້າໃຈ ແລະ ເອກພາບກ່ຽກັບທິດທາງ ແລະ ວິທີການຈັດຕັ້ງປະຕິບັດຂອງວຽກງານແຜນການ ແລະ ຂໍ້ມູນຂ່າວສານສາທາລະນະສຸກ ແຕ່ລະຂັ້ນໃນການສະຫຼຸບລາຍງານກາຈັດຕັ້ງປະຕິບັດວຽກງານສາທາລະນະສຸກໃຫ້ທັນຕາມກຳນົດເວລາໃນແຕ່ລະໄລຍະໄຕມາດ ແລະ ປະຈຳປີ ພ້ອມທັງການສ້າງແຜນພັດທະນາສາທາລະນະສຸກ; ບົດສະຫຼຸບການຈັດຕັ້ງປະຕິບັດວຽກງານສາທາລະນຸສກ 9 ເດືອນ ແລະ ແຜນພັດທະນາສາທາລະນະສຸກປະຈຳປີ 2013, ໃນນັ້ນສິ່ງທີ່ສຳຄັນແມ່ນຄວາມເອກະພາບກ່ຽວກັບການຄາດຄະເນປະຊາກອນໃນແຕ່ລະເມືອງ ແລະ ແຕ່ລະແຂວງຊຶ່ງຈະເປັນພື້ນຖານໃຫ້ແກ່ການສືບຕໍ່ຕິດຕາມຕົວຊີ້ວັດກ້າວໄປສູ່ການປົກຄຸມທຸກທົ່ວປວງຊົນ 2025 (UHC) ແລະ ການພັດທະນາຍືນຍົງໃນປີ 2030.
(ຂ່າວ: ສູນຂ່າວສານການແພດ; ໜັງສືພິມປະຊາຊົນ)
| 
