ກົມອາຫານ ແລະ ຢາ ໄດ້ຈັດຝຶກອົບຮົມຫຼັກການ ການຜະລິດທີດີດ້ານຢາພື້ນເມືອງ ແລະ ຜະລິດຕະພັນເສີມສຸຂະພາບ ໃຫ້ແກ່ພະນັກງານ ພາຍໃນກົມອາຫານ ແລະ ຢາ ໃນລະຫວ່າງ ວັນທີ 10-14/ 8 /2020, ຊຶ່ງມີຄູຝືກຈາກກົມອາຫານ ແລະ ຢາທີ່ໄດ້ຜ່ານການຝຶກອົບຮົມ ແລະ ມີປະສົບການ ຢູ່ພາຍໃນ ແລະ ຕ່າງປະເທດ ກ່ຽວກັບວຽກງານດັ່ງກ່າວມາຂຶ້ນຫ້ອງເພື່ອແລກປ່ຽນບົດຮຽນ, ການອົບຮົມແມ່ນໄດ້ນຳສະເໜີ 10 ຫຼັກການ ຂອງການປະຕິບັດການ ການຜະລິດທີ່ດີດ້ານຢາພື້ນເມືອງ ແລະ ຜະລິດຕະພັນເສີມສຸຂະພາບຂອງອາຊຽນ ເຊີ່ງມີຕົວຫຍໍ້ແມ່ນ:”ASEAN TMHS GMP“.

                     

ຈຸດປະສົງ ຂອງການຝຶກອົບຮົມໃນຄັ້ງນີ້ ແມ່ນເພື່ອສ້າງຄວາມເຂັ້ມແຂງ, ພັດທະນາຄວາມອາດສາມາດ ແລະ ເພື່ອເປັນການແລກປ່ຽນປະສົບການ ແລະ ຖອດຖອນບົດຮຽນທີ່ດີ ໃຫ້ພະນັກງານພາຍໃນກົມອາຫານ ແລະ ຢາ ແລະ ທັງເປັນການເພີ້ມຄວາມເຂົ້າໃຈ ແລະ ມີຄວາມຊຳນິຊຳນານ ໃນການຈັດຕັ້ງປະຕິບັດວຽກງານຕາມຫຼັກການ ການຜະລິດທີ່ດີຂອງອາຊຽນ. ເພື່ອກະກຽມຄວາມພ້ອມໃນການເປັນເຈົ້າການຮວ່ມກັນໃນກອງປະຊຸມຝືກອົບຮົມໃຫ້ແກ່ບັນດາຜູ້ປະກອບການທຸລະກິດການຜະລິດ, ປຸງແຕ່ງ ຢາພື້ນເມືອງ ແລະ ຜະລິດຕະພັນເສີມສຸຂະພາບ ທີ່ຈະຈັດຂື້ນໃນມໍ່ໆນີ້.