ຜົນໄດ້ຮັບຈາກການຢ້ຽມຢາມໃນຄັ້ງນີ້ ຄະນຜູ້ແທນຈາກ ສປປ ລາວ ໄດ້ຮັບການຕ້ອນຮັບຈາກໜ່ວຍງານກ່ຽວຂ້ອງຢາງອົບອຸ່ນຈາກຝ່າຍຈີນ.     ໄດ້ຮັບຟັງການສະເຫນີກ່ຽວກັບທີ່ຕັ້ງພາລະບົດບາດ ແລະ ຄວາມຮັບຜິດຊອບ ຂອງໜ່ວຍງານກວດກາ ແລະ ກັກກັນພືດ ສັດ ແລະ ອາຫານ ຂອງເມືອງຫລ້າ, ເມືອງຊຽງຮຸ່ງ ແລະ ເມືອງຟູເອີ, ຂັ້ນຕອນໃນການອະນຸຍາດນໍາເຂົ້າ ແລະ ສົ່ງອອກ, ບັນດານິຕິກໍາຕ່າງໆທີ່ກ່ຽວຂ້ອງ. ນອກຈາກນີ້ ຄະນຜູ້ແທນຝ່າຍ ຍັງໄດ້ລົງຢ້ຽມຢາມ ຫ້ອງປະຕິັບັດການວິໄຈ ພືດ ແລະ ສັດຂອງ ແຕ່ລະເມືອງ ເຊິ່ງມີຄວາມພ້ອມທາງດ້ານ ບຸກຄະລາກອນ ແລະ ພື້ນຖານໂຄງລາງ. 

ຜ່ານການຢ້ຽມຢາມ ໃນຄັ້ງນີ້ ຄະນະຜູ້ແທນ ໄດ້ຮັບຮູ້ເຖິ່ງລະບົບການກວດກາ, ກັກກັນພືດ ແລະ ສັດ ອາຫານ ຂອງ ສປ ຈີນ ແລະຄວາມຣັບຜິດຊອບລະຫວ່າງ ສູນກາງ ແລະ ທ້ອງຖິ່ນ ດັ່ງນີ້:

- ອົງການ ກວດກາ ແລະ ກັກກັນພືດສັດ ແລະ ອາຫານລວມ ແມ່ນອົງກອນດຽວ ທີ່ເປັນເອກກະລາດຂອງລັດ ທີ່ມີຫ້ອງການໃຫຍ່ ຢູ່ທີ່ກຸງປັກກິ່ງ ທີ່ຣັບຜິດຊອບໃນການກວດການຂຶ້ນທະບຽນການນໍາເຂົ້າສົ່ງອອກ ພືດ, ສັດ ແລະ ອາຫານ ລວມທັງເຄື່ອງສໍາອາງ ກຸງປັກກິ່ງ ທີ່ມີໜ້າທີ່ອອກອະນຸຍາດຈັດທະບຽນການນໍາເຂົ້າອາຫານ ມາໃນ ສປປ ຈີນ ແລະ ສ້າງລະບຽບຫລັກການ

- ຫ້ອງການກວດກາ ແລະ ກັກກັນພືດສັດແລະອາຫານແ ຂວງ ແລະ ກິ່ງເມືອງ ແມ່ນມີໜ້າທີ່ກວດກາຢັ້ງຢືນການກວດກາ ອາຫານ ນໍາເຂົ້າ-ສົ່ງອອກ ພາຍໃນແຂວງຂອງຕົນ ແລະ ກວດກາປະຈໍາດ່ານ ແລະ ມີຫ້ອງວິເຄາະໃນແຕ່ລະບ່ອນທີ່ມີເຄື່ອງມືຄົບຖ້ວນ-

ນອກຈາກນັ້ນ,ທັງສອງຝ່າຍໄດ້ມີການປຶກສາຫາລືການຮ່ວມມືໃນການປັບປຸງ ກວດກາກັກກັນພືດແລະ ສັດ ແລະ ກວດກາຄວາມປອດໄພອາຫານ ເພື່ອໃຫ້ໄດ້ຣັບການຢັ້ງຢືນ ແລະ ມີສະ/າກເປັນພາສາລາວ ສໍາລັບການສົ່ງອອກໄປຍັງ ສປປລາວ, ສປປ ຈີນຍິນດີໃຫ້ການສະໜັບສະໜູນຣ່ວມມື ເພື່ອປະຕິບັດຕາມລະບຽບຫລັກການ ແລະຊຍິນດີຊ່ວຍ ເຫລື້ອ ໃນການສ້າງ ຄວາມ ອາດ ສາມາດໃຫ້ແກ່ເຈົ້າໜ້າທີ່ກວດກາອາຫານ. ການໄປທັດສະນະສຶກສາຄັ້ງນີ້ແມ່ນມີຜົນປະໂຫຍດສໍາລັບ ສປປລາວຫລາຍ.