7 ວິຊາຊີບທີ່ເປີດເສລີໃນກຸ່ມະຊາຄົມເສດຖະກິດອາຊຽນ

 ຈາກຜົນໄດ້ຮັບ ຂອງກອງປະຊຸມສຸດຍອດອາຊຽນຄັ້ງທີ 9 ທີ່ ເກາະບາຫລີ ປະເທດອິນໂດເນເຊຍ ໄດ້ກໍານົດ ໃຫ້ສ້າງຂໍ້ຕົກລົງຍອມຮັບຮ່ວມກັນ (Mutual Recognition Agreement: MRAs) ດ້ານທຸລະກິດການບໍລິການໂດຍສະເພາະອະນຸຍາດໃຫ້ມີການເຄື່ອນຍ້າຍນັກວິຊາຊີບ, ແຮງງານ, ຊ່ຽວຊານ ຫລື ຜູ້ທີມີຄວາມສາມາດ ພິເສດຂອງອາຊຽນ ໄດ້ຢ່າງເສລີ ດັ່ງລຸ່ມນີ້:

1. ວິຊາຊີບກ່ຽວກັບການຮັກສາ ຫລື ການແພດ ( medical service)
2. ວິຊາຊີບພະຍາບານ (nursing service)
3. ວິຊາຊີບກ່ຽວກັບທັນຕະກໍາ (dental service)
4. ວິຊາຊີບດ້ານວິສະວະກໍາ (engineering service)
5. ວິຊາຊີບດ້ານ ສະຖາປັດຕະຍະກໍາ (architecture service)
6. ວິຊາຊີບດ້ານ ການສໍາຫລວດ ຫລື ນັກສໍາຫລວດ (surveying qualification)
7. ວິຊາຊີບບັນຊີ (accountancy service)

          ນອກຈາກນີ້ກອງປະຊຸມຍັງໄດ້ມີການສະເຫນີ ໃຫ້ເພີ້ມວິຊາຊີບດ້ານການໂຮງແຮມ ແລະ ການທ່ອງທ່ຽວເຂົ້ານໍາ ໂດຍກໍາລັງຢູ່ໃນຂັ້ນ ການພິຈາລະນາ, ປະເທດສະມາຊິກອາຊຽນ 9 ໃນ 10 ປະເທດໄດ້ລົງນາມຍອມຮັບຂໍສະເຫນີດັ່ງກ່າວ ເປັນທີ່ຮຽບຮ້ອຍແລ້ວ ເຊິ່່ງຍັງເຫລືອພຽງແຕ່ປະເທດໄທ ເທົ່ານັ້ນທີ່ຍັງບໍ່ໄດ້ລົງນາມ ເຊິ່ງຍັງຕິດຄາ ກ່ຽວກັບລະບຽບການພາຍໃນຂອງປະເທດ.

          ການເຊື່ອມໂຍງດ້ານອາຊຽນດ້ານເສດຖະກິດອາຊຽນ ທີ່ຕິດພັນກັບຂະແໜງການສາທາາລະນະສຸກ  ພາຍໃຕ້ຄະນະກໍາມະການ ທີ່ປຶກສາອາຊຽນ ມາດຕະຖານ  ແລະ ຄຸນນະພາບ ເຊິ່ງປະເທດສະມາຊິກ ໄດ້ຕົກລົງຍອມຮັບຮ່ວມກັນ ມີ: ຂໍ້ຕົກລົງຍອມຮັບຮ່ວມດ້ານ ການຜະລິດຢາທີ່ດີ; ດ້ານເຄື່ອງສໍາອາງ ແລະ ດ້ານອຸປະກອນການແພດ ເຊິ່ງປະຈຸບັນບັນດາປະເທດສະມາຊິກ ໄດ້ກໍາລັງຈັດຕັ້ງປະຕິບັດ ບັນດາຂໍ້ຕົກລົງສະບັບດັ່ງກ່າວ.

ບົດຂ່າວໂດຍ: ສຸກສົມຄວນ ຈັນທະມາດ

ແຫລ່ງຂໍໍ້ມູນຂ່າວຈາກ ເວບໄຊ ຂອງອາຊຽນ: Website: www.asean.org