ການເຝົ້າລະວັງອາຫານປົນເປື້ອນສານເຄມີ

ໂດຍ: ດຣ. ສະແຫວງວົງ ດວງສະຫວັນ

ຜ່ານການລົງຕິດຕາມກວດກາບາງປະເພດສິນຄ້າ ທີ່ຂາຍຕາມຕະຫຼາດສົດ ໃນ ສປປ ລາວ ຈໍານວນໜຶ່ງຂອງກອງກວດກາປະສານສົມທົບກັບ ຂະແໜງອາຫານ ແລະ ຢານະຄອນຫຼວງ ແລະ ບາງແຂວງ, ພວເຮົາພົບເຫັນວ່າ ມີບາງປະເພດສິນຄ້າ ທີ່ຂາຍ ມີການປົນເປື້ອນສານເຄມີອັນຕະລາຍຈຳນວນໜຶ່ງເຊັ່ນ:

1.   ຟໍມາລີນ/Formalin(Formaldehyde)

ຟໍມາລີ​ນ​ເປັນສານ​ເຄມີ​ຊະນິດໜຶ່ງທີ່​ເປັນ​ພິດ ສາມາດ​ລະລາຍ​ໄດ້​ໃນ​ນ້ຳ ​ແລະ ​ເຫຼົ້າ, ​ໃຊ້​ໃນ​ສົບ​ຄົນ​ຕາຍ​ເພື່ອ​ປ້ອງ​ກັນ​ກິ່ນ ມີ​ກິ່ນ​ແຮງ ​ແສບ​ດັງ. ​ເຖິງ​ຢ່າງ​ໃດ​ກໍ່ຕາມ​ຍັງ​ພົບ​ເຫັນ​ຟໍມາ​ລີ​ນ ​ໃນ​ທຳ​ມະຊາດ​ໃນ​ປະລິມານ​ສູງ ພົບ​ໃນ​ຜັກໝາກ​ໄມ້ ະ​ເພດ​ຕ່າງໆຊື່​ງ​ໃນ​ປະລິມານ​ດັ່ງກ່າວ ບໍ່​ໄດ້​ສະ​ແດງ​ພິດ​ໃຫ້​ເຫັນ.

      ພິດ​ທີ່​ເກີດ​ຈາກ​ຟໍມາລີ​ນ:

ມີຜົນ​ກະທົບ​ຕໍ່ລະບົບ​ຫາຍ​ໃຈ​ຫາກ​ສູດ​ດົມ​ເຂົ້າ​ໄປ, ​ເຈັບຄໍ, ​ໄອ ຫາຍ​ໃຈບໍ່ອອກ, ປອດ​ອັກ​ເສບ, ນ້ຳ​ຖ້ວມ​ປອດ​ສາມາດ​ພາ​ໃຫ້​ເສຍ​ຊີວິດ​ໄດ້. ຖ້າ​ຖືກ​ຜິວໜັງ​ເປັນ​ຜື່ນຄັນ, ​ໄໝ້ປ່ຽນ​ເປັນ​ສີຂາວ, ຖ້າ​ຜ່ານ​ລະບົບ​ລະລາຍ ມີ​ອາການ​ເຈັບ​ປວຫົວ​ຢ່າງ​ແຮງ, ປວດທ້ອງ, ປາກ​ຄໍ​ແຫ້ງ ຫົວ​​ໃຈ​ເຕັ້ນ​ໄວ ​ແໜ້ນໜ້າ​ເອິກ ປຸ້ນທ້ອງ, ປວດຮາກ, ປັດ​ສະວະ​ບໍ່ອອກ ຫຼື​ອອກເລືອດ ອ່ອນ​ເພັຍ ​ເຫື່ອ​ອອກ​ຕົວ​ເຢັນ​ຄໍ​ແຂງ, ປະລິມານ​ສອງ​ບ່ວງ​ແກງ​ສາມາດ​ພາ​ໃຫ້​ເສບ​ຊີວິດ​ໄດ້ ມີ​ການ​ນຳ​ເອົາ​ສານ​ຟໍມາລີ​ນ ມາ​ປະສົມ​ໃສ່​ໃນ​ອາຫານ​ບາງ​ຊະນິດ​ເຊັ່ນ: ຜັກ, ໝາກ​ໄມ້​ປອ໋ງ​ເພື່ອ​ກັນ​ບູດ,​ເນົ່າ, ປາທູ, ​ເນື້ອໝູ, ອາຫານ​ທະ​ເລ​ປະ​ພດຕ່າງໆ​ເພື່ອ​ປ້ອງ​ກັນການ​ເນົ່າ​ເສັຍ​ເຮັດ​ໃຫ້​ມີ​ຄວາມ​ສົດ​ຢູ່​ນານ.

2.  ສານ​ບໍ​ແລັກ/Borax (ຫຼືຜົງ​ກອບ)

ສານ​ບໍ​ແລັກ​ເປັນສານ​ເຄມີ​ທີ່​ນຳ​ມາ​ໃຊ້​ໃນ​ອຸດ​ສະຫະ​ກຳ​ຕ່າງໆ​ເຊັ່ນ: ອຸດ​ສະຫະ​ກຳ ຜະລິດ​ແກ້ວ ​ເພື່ອ​ຊ່ວຍ​ໃຫ້​ມີ​ຄວາມໜຽວ​ແຂງ​ແຮງ ​ໃຊ້​ໃນ​ອຸດ​ສະຫະ​ກຳ​ເຄື່ອງ​ປັ້ນດິນ​ເຜົາ ​ເຮັດ​ໃຫ້​ມີ​ຄວາມ​ມັນ​ແວວ​ວາວ ​ໃຊ້​ໃນ​ເຄື່ອງ​ສຳອາງ​ເປັນ​ວັດຖຸ​ກັນ​ເສຍ ປ້ອງ​ກັນ​ເຊື້ອ​ຈຸ​ລະ​ຊີບ​ຕ່າງໆ, ອຸດ​ສະຫະ​ກຳ​ຟອກໜັງ​ເປັນ​ຢນຂ້າ​ແມງ​ໄມ້… ​ເນື່ອງ​ຈາກ ບໍ​ແລັກ​ມີ​ຄຸນ​ລັກສະນະ​ຊັຊຊ້ອນ ຍັງ​ມີ​ລັກສະນະ​ເຮັດ​ໃຫ້​ຜົງ​ກອບ ​ແລະ ມີ​ຄຸນສົມບັດ​ປ້ອງ​ກັນ​ການ​ບູດ​ເນົ່າ, ຈຶ່ງ​ພາ​ໃຫ້​ຜູ້​ຜະລິດ​ອາຫານ​ນຳ​ມາ​ປະສົມ​ໃສ່​ໃນ​ອາຫານ​ປະ​ເພດ​ຕ່າງໆ​ເຊັ່ນ: ໝູຍອງ, ຈືນ​ມັນ, ​ໄສ້ກອກ, ວຸ້ນ, ໝາກມ່ວງ​ດອງ, ຜັກກາດ​ດອງ ​ເພື່ອ​ເຮັດ​ໃຫ້​ອາຫານ​ປະ​ເພດ​ນີ້ ກອບ​ແຂງ ຢູ່​ໄດ້​ນານ. ນອກຈາກ​ນີ້​ຍັງ​ພົບ​ວ່າ​ເອົາ​ໄປ​ລະລາຍ​ໃນ​ນ້ຳ ​ແລ້ວ​ໄປ​ທາ​ໃສ່​ຊີ້ນ​ງົວ, ໝູ ​ເພື່ອ​ເຮັດ​ໃຫ້​ເບິ່ງ​ວ່າ​ມີ​ຄວາມ​ສົດ​ຢູ່​ຕະຫຼອດ​ເວລາ. ນອກຈາກ​ນີ້​ຍັງ​ພົບ​ໃນ​ແປ້ງ​ນົວ ທີ່​ບໍ່ມີ​ມາດຕະຖານ​ຄຸນ​ນະພາ​ບ.

      ພິດ​ທີ່​ເກີດ​ຈາກ​ບໍ​ແຣກ:

ບໍ​ແຣກ ສາມາດ​ພາ​ໃຫ້​ເກີດ​ພິດ​ອັນຕະລາຍ​ແກ່​ຮ່າງກາຍ ຊຶ່ງ​ມີ​ຜົນ​ຕໍ່ຈຸ​ລັງ​ຂອງ​ຮ່າງກາຍ​ທັງໝົດ, ຄວາມ​ຮ້າຍ​ແຮງ ​ແລະ ​ເກີດ​ພິດ ຂື້ນ​ກັບ​ປະລິມານ​ຄວາມ​ເຂັ້ມ​ຂຸ້ນ​ທີ່​ຮ່າງກາຍ​ໄດ້​ຮັບ, ​ໄຂ່ຫຼັງ ​ເປັນ​ອະ​ໄວ​ຍະ​ວະ​ສຳຄັນ​ທີ່​ຖືກ​ກະທົບ. ນອກຈາກ​ນັ້ນ ຍັງ​ກະທົບ​ຕໍ່ກະ​ເພາະ​ລຳ​ໃສ້, ຕັບ ສະໜອງ​ເຮັດ​ໃຫ້​ມີ​ເລືອດ​ຄ້າງ ຜິວໜັງ​ແຕກ ​ເປັນ​ແຜ ບວມ​ຄ້າຍ​ຖືກ​ນ້ຳ​ຮ້ອນ​ລວກ ປັດ​ສະວະ​ອອກໜ້ອຍ ຫຼືບໍ່ອອກ ​ເນື່ອງ​ຈາກ​ໄຂ່ຫຼັງ​ໄດ້​ຖືກ​ຜົນ​ກະທົບ. ​ໃນ​ປະລິມານໜ້ອຍພົບ​ປຸ້ນທ້ອງ ປວດຮາກ, ຖອກທ້ອງ ມີເລືອດປະປົນອອກມາ, ອ່ອນ​ເພຍ ປວດ​ຫົວ​ງຸດງິດ ມີ​ອາການ​ປະສາດ ຊັກໝົດສະຕິ, ຜິວໜັງອັກ​ເສບ ຜົມ​ລົ່ນ.

      ຈາກ​ອັນຕະລາຍ​ດັ່ງກ່າວ ​ແລະ ອີງ​ໃສ່​ກົດໝາຍວ່າ​ດ້ວຍ​ອາຫານ (ສະບັບ​ປັບປຸງ ​ເລກທີ 33/ສພຊ, ລົງ​ວັນ​ທີ 24 ກໍລະກົດ 2013, ພາກ​ທີ V ມາດຕາ 52 ຂໍ້​ຫ້າມ​ສຳຫຼັບຜູ້​ດຳ​ເນີນ​ທຸລະ​ກິດ), ກອງ​ກວດກາ​ອາຫານ ​ແລະ ຢາ ຈຶ່ງ​ຂໍ​ແຈ້ງ​ເຕືອນ​ມາ​ຍັງ​ຜູ້​ປະກອບ​ການ, ຜູ້​ຜະລິດ ​ແລະ ຈຳໜ່າຍອາຫານ, ຫ້າມ​ນຳ​ເອົາ​ຟໍມາ​ລິນ ​ແລະ ບໍ​ແຣກ ມາ​ປະສົມ​ໃສ່​ໃນ​ອາຫານ​ທຸກ​ປະ​ເພດ, ຖ້າ​ຫາກ​ກວດ​ພົບ​ເຫັນ ຈະ​ໄດ້​ຮັບ​ການ​ກ່າວ​ເຕືອນ ​ແລະ ກ້າວ​ໄປ​ເຖິງ​ການ​ປະຕິບັດ​ຕາມ​ລະບຽບກົດໝາຍຢ່າງ​ເຂັ້ມ​ງວດ.