ຂ່າວສານ ແລະ ເຫດການ
ສະເຫຼີມສະຫຼອງ ວັນອາຫານປອດໄພໂລກ (World Food Safety’s Day) 2026
ອາຫານບໍ່ແມ່ນພຽງແຕ່ສິ່ງທີ່ຫຼໍ່ລ້ຽງຊີວິດເທົ່ານັ້ນ ແຕ່ຍັງເປັນພື້ນຖານຂອງສຸຂະພາບ, ການພັດທະນາສັງຄົມ ແລະ ເສດຖະກິດ. ຖ້າອາຫານບໍ່ປອດໄພ ອາດຈະປົນເປື້ອນດ້ວຍເຊື້ອຈຸລິນຊີ, ສານເຄມີ, ສານພິດຕາມທໍາມະຊາດ, ໂລຫະໜັກ ຫຼື ວັດຖຸແປກປອມ ຊຶ່ງສາມາດກໍ່ໃຫ້ເກີດຜົນກະທົບຕໍ່ສຸຂະພາບ ທັງໃນໄລຍະສັ້ນ ແລະ ໄລຍະຍາວ. ຄວາມປອດໄພດ້ານອາຫານ ຍັງກ່ຽວພັນກັບຄວາມໝັ້ນຄົງດ້ານອາຫານ, ການຄ້າ, ການທ່ອງທ່ຽວ, ການສົ່ງອອກ ແລະ ຄວາມເຊື່ອໝັ້ນຂອງຜູ້ບໍລິໂພກ.
ການຢ້ຽມຢາມຄະນະກວດກາອາຫານ ແລະ ຢາ ຢູ່ດ່ານຊາຍແດນສາກົນ
ທີ່ບາງກອກ, ປະເທດໄທ ໃນລະຫວ່າງວັນທີ 25-27 ພຶດສະພາ 2026, ຄະນະຜູ້ແທນຈາກ ສປປ ລາວ ໄດ້ເດີນທາງຢ້ຽມຢາມ ແລະ ແລກປ່ຽນບົດຮຽນກ່ຽວກັບວຽກງານກວດກາ ອາຫານ ແລະ ຢາ ທີ່ສຳນັກງານ ຄະນະກຳມະການອາຫານ ແລະ ຢາ, ກະຊວງສາທາລະນະສຸກ ແຫ່ງ ຣາຊະອານາຈັກໄທ ນໍາໂດຍທ່ານ ເພສັດຊະກອນ ສຸກສົມຄວນ ຈັນທະມາດ ຫົວໜ້າກົມອາຫານ ແລະ ຢາ. ຈຸດປະສົງ ແມ່ນເພື່ອສຶກສາເບິ່ງວຽກງານການຄຸ້ມຄອງອາຫານ ແລະ ຢາ ໂດຍສະເພາະ ວຽກງານ ກວດກາຫຼັງການອະນຸຍາດ (Post-Market Inspection) ແລະ ການກວດກາອະນຸຍາດນໍາເຂົ້າຢູ່ດ່ານ. ຄະນະຜູ້ແທນຢ້ຽມຢາມຄັ້ງນີ້ ມີຕາງໜ້າຈາກພາສ່ວນຕ່າງໆ ເປັນຕົ້ນ ຫ້ອງການກະຊວງ, ກົມອາຫານ ແລະ ຢາ, ກອງກວດກາອາຫານ ແລະ ຢາ, ຂະແໜງອາຫານ ແລະ ຢາ ນະຄອນຫຼວງວຽງຈັນ, ກົມເສດຖະກິດ ກະຊວງການຕ່າງປະເທດ ແລະ ຄະນະຄຸ້ມຄອງດ່ານຂົວມິດຕະພາບລາວ-ໄທ ແຫ່ງທີ 1.
ໃຫ້ກຽດຕ້ອນຮັບ ຄະນະຜູ້ແທນລາວ ໂດຍ ທ່ານ ສຸພັດຕຣາ ບຸນເສີມ ເລຂາທິການຄະນະກຳມະການອາຫານ ແລະ ຢາ ແຫ່ງ ຣາຊະອານາຈັກໄທ ພ້ອມດ້ວຍກອງ ຕ່າງໆ ຂອງຄະນະກໍາມະການອາຫານ ແລະ ຢາ. ຄະນະຜູ້ແທນ ຝ່າຍລາວ ໄດ້ຮັບຟັງການສະເໜີ ແລະ ແລກປ່ຽນ ບົດຮຽນຢ່າງຮອບດ້ານ ກ່ຽວກັບການກວດກາ ຫຼັງການອະນຸຍາດ ເປັນຕົ້ນ ລະບົບການກວດກາຜະລິດຕະພັນ ອີງໃສ່ຫຼັກການບໍລິຫານຄວາມສ່ຽງ, ກວດກາຕາມແຜນກວດກາ ຄວາມສ່ຽງ ທີ່ໄດ້ກໍານົດ ລວມທັງ ເຝົ້າລະວັງການໂຄສະນາຜະລິດຕະພັນ ອາຫານ, ຢາ, ອຸປະກອນການແພດ, ຜະລິດຕະພັນເສີມສຸຂະພາບ, ເຄື່ອງສໍາອາງ ແລະ ເຄມີອັນຕະລາຍທີ່ໃຊ້ໃນຄົວເຮືອນ.
ຄະນະຜູ້ແທນຝ່າຍລາວ ໄດ້ມີໂອກາດ ລົງຢ້ຽມຢາມ ເບິ່ງສະຖານທີ່ກວດກາຕົວຈິງ ທີ່ດ່ານສາກົນແຫຼມສະບັງ ເຊິ່ງເປັນດ່ານທ່າເຮືອທີ່ໃຫຍ່ທີ່ສຸດຂອງໄທ, ໄດ້ສຶກສາ ແລະ ເບິ່ງການນຳໃຊ້ເຕັກໂນໂລຊີ ທີ່ທັນສະໄໝ ເຂົ້າໃນການຂັບເຄື່ອນວຽກງານກວດກາ ແລະ ເຝົ້າລະວັງສິນຄ້າທີ່ດ່ານຊາຍແດນ ເພື່ອຍົກລະດັບປະສິດທິພາບໃນການຄຸ້ມຄອງສິນຄ້າໃຫ້ມີຄວາມປອດໄພ ແລະ ມີມາດຕະຖານສາກົນ.
ການຢ້ຽມຢາມຄັ້ງນີ້ແມ່ນໄດ້ຮັບການສະໜັບສະໜູນຂອງກອງທຶນພິເສດແມ່ນ້ຳຂອງ-ແມ່ນ້ຳລ້ານຊ້າງ (LMC), ໂດຍມີເປົ້າໝາຍສຳຄັນເພື່ອສົ່ງເສີມການ ເຊື່ອມໂຍງ ແລະ ຄວາມກົມກຽວໃນການກວດກາສິນຄ້າປະເພດອາຫານ ແລະ ຢາ ສຳລັບການນຳເຂົ້າ-ສົ່ງອອກ ແລະ ຜ່ານດ່ານຊາຍແດນສາກົນ.
ການຢ້ຽມຢາມຄັ້ງນີ້ ຖືເປັນບາດກ້າວສຳຄັນໃນການສ້າງຄວາມເຂັ້ມແຂງໃຫ້ແກ່ວຽກງານກວດກາອາຫານ ແລະ ຢາ ຢູ່ດ່ານຊາຍແດນ, ເປັນການເພີ່ມທະວີການຮ່ວມມືລະຫວ່າງສອງຝ່າຍ ແລະ ເປັນການເສີມສ້າງສາຍພົວພັນຮ່ວມມືລະຫວ່າງໄທ-ລາວ, ເຊິ່ງຈະເປັນພື້ນຖານ ອັນແຂງແຮງ ໃນການອຳນວຍຄວາມສະດວກດ້ານການຄ້າ, ຫຼຸດຜ່ອນຂັ້ນຕອນທີ່ຊັກຊ້າ ບົນພື້ນຖານການຮັບປະກັນຄວາມປອດໄພດ້ານ ອາຫານ ແລະ ຢາ ເພື່ອປົກປ້ອງ ປະຊາຊົນຂອງ ທັງສອງປະເທດ.
ປຸກລະດົມຂົນຂວາຍ ໃຫ້ແກ່ສາທາລະນະຊົນຮັບຮູ້ ແລະ ເຂົ້້າໃຈຕໍ່ກັບໄພອັນຕະລາຍ ແລະ ຜົນຮ້າຍຈາກການບໍລິໂພກສິ່ງເສບຕິດ
ໃນວັນທີ 3 ມິຖຸນາ 2026 ທີ່ຫ້ອງປະຊຸມໃຫຍ່ ໂຮງໝໍມິດຕະພາບ ໄດ້ມີການຈັດກອງປະຊຸມສໍາມະນາການໂຄສະນາ ເຜີຍແຜ່ ແລະ ປຸກລະດົມຂົນຂວາຍ ໃຫ້ແກ່ສາທາລະນະຊົນຮັບຮູ້ ແລະ ເຂົ້້າໃຈຕໍ່ກັບໄພອັນຕະລາຍ ແລະ ຜົນຮ້າຍຈາກການບໍລິໂພກສິ່ງເສບຕິດ ໃຫ້ກຽດເປັນປະທານໂດຍ ທ່ານ ດຣ. ໄພວັນ ແກ້ວປະເສີດ ຮອງລັດຖະມົນຕີກະຊວງສາທາລະນະສຸກ
ກອງປະຊຸມປຶກສາຫາລືວຽກງານການຄຸ້ມຄອງ ແລະ ອະນຸລັກຊັບພະຍາກອນທີ່ເປັນຢາ
ວັນທີ 12 ພຶດສະພາ 2026, ກົມອາຫານ ແລະ ຢາ ສົມທົບກັບ ສະມາຄົມອະນຸລັກຢາພື້ນເມືອງ ໄດ້ຈັດກອງປະຊຸມປຶກສາ ຫາລືການຄຸ້ມຄອງ ແລະ ອະນຸລັກຊັບພະຍາກອນທີ່ເປັນຢາ ທີ່ຫ້ອງການກະຊວງ, ໂດຍການເປັນປະທານຂອງ ທ່ານ ດຣ. ໄພວັນ ແກ້ວປະເສີດ ຮອງລັດຖະມົນຕີ ກະຊວງສາທາລະນະສຸກ ແລະ ທ່ານ ດຣ. ນ. ວິພາວັນ ພົມວິຫານ ປະທານກິຕິມະສັກ ສະມາຄົມອານຸລັກຢາພື້ນເມືອງລາວ ເປັນປະທານຮ່ວມ.
ຮັບນັກສຶກສາພາກວິຊາການຢາພື້ນເມືອງ ລົງຝຶກງານຢູ່ ກົມອາຫານ ແລະ ຢາ
ຮັບນັກສຶກສາພາກວິຊາການຢາພື້ນເມືອງ ລົງຝຶກງານຢູ່ ກົມອາຫານ ແລະ ຢາ
ກອງປະຊຸມຖອດຖອນບົດຮຽນການຈັດຕັ້ງປະຕິບັດການແກ້ໄຂກໍລະນີການເບື່ອອາຫານ ແລະ ເຄື່ອງດື່ມທີ່ມີທາດເຫຼົ້າ
ກອງປະຊຸມການທົບທວນຄືນການຈັດຕັ້ງປະຕິບັດມາດຕະການໂຕ້ຕອບເຫດການເບື່ອອາຫານ ແລະ ເຄື່ອງດື່ມ ຢູ່ ສປປ ລາວ ຢູ່ທີ່ ປະຊຸມໂຮງແຮມ ເດີແກຣນລີເວີຊາຍ2 ,ເມືອງວັງວຽງ, ແຂວງວຽງຈັນ 1-3 ເມສາ 2026, ໂດຍການເປັນປະທານຂອງທ່ານ ດຣ. ສຸກສົມຄວນ ຈັນທະມາດ ຫົວໜ້າກົມອາ ຫານ ແລະ ຢາ ແລະ ທ່ານ ນາງ ສົມປະສົງ ພົງພິລາ ຜູ້ບໍລິຫານໂຄງການ “ສ້າງຄວາມເຂັ້ມແຂງໃນການຕອບໂຕ້ດ້ານຄວາມປອດໄພ ປ້ອງກັນ ແລະ ຕອບໂຕ້ ດ້ານຄວາມປອດໄພຂອງອາຫານ ແລະ ເຄື່ອງດື່ມທີ່ມີທາດເຫຼົ້າ ຂອງ ສປປ ລາວ” ສະໜັບສະໜູນໂດຍ ລັດຖະບານ ອົດສະຕຼາລີ ໂດຍຜ່ານ ອົງການ CHAI ປະຈໍາ ສປປ ລາວ.
ກະຊວງສາທາລະນະສຸກ ແລະ ອົງການ CHAI ລົງນາມ MOU ຂອງໂຄງການສ້າງຄວາມເຂັ້ມແຂງໃນວຽກງານເຝົ້າລະວັງ, ປ້ອງກັນ ແລະ ຕອບໂຕ້ ດ້ານຄວາມປອດໄພອາຫານ ແລະ ເຄື່ອງດື່ມ
ກະຊວງສາທາລະນະສຸກ ໄດ້ຈັດພິທີລົງນາມບົດບັນທຶກເຂົ້າໃຈລະຫວ່າງກົມອາຫານ ແລະ ຢາ ກະຊວງສາທາລະນະສຸກ ແລະ ອົງການ CHAI ປະຈຳ ສປປ ລາວ ຂອງໂຄງການສ້າງຄວາມເຂັ້ມແຂງໃນວຽກງານເຝົ້າລະວັງ, ປ້ອງກັນ ແລະ ຕອບໂຕ້ ດ້ານຄວາມປອດໄພອາຫານ ແລະ ເຄື່ອງດື່ມທີ່ມີທາດເຫຼົ້າໃນ ສປປ ລາວ
ກອງປະຊຸມທົບທວນຍຸດທະສາດກາງສະໄໝວຽກງານພັດທະນາການຢາໂຮງໝໍ
ກົມອາຫານ ແລະ ຢາ ໄດ້ຈັດກອງປະຊຸມທົບທວນຄືນການຈັດຕັ້ງປະຕິບັດກາງສະໄໝຂອງຍຸດທະສາດການພັດທະນາການຢາໂຮງໝໍ 2021-2025 ແລະ ກໍານົດທິດທາງແຜນການ ຈັດຕັ້ງປະຕິບັດ ປີ 2026-2030 ໃນວັນທີ 25 ກຸມພາ 2026 ທີ່ ຫ້ອງປະຊຸມ ເຂື່ອນໄຟຟ້ານໍ້າງື່ມ-1 ເມືອງ ແກ້ວອຸດົມ, ແຂວງ ວຽງຈັນ ໂດຍ ການເປັນປະທານ ຂອງທ່ານ ດຣ. ສຸກສົມຄວນ ຈັນທະມາດ ຫົວໜ້າກົມອາຫານ ແລະ ຢາ ແລະ ທ່ານ ປອ. ດຣ. ບຸນຊູ ແກ້ວຫາວົງ ເປັນຄະນະປະທານ.
ກອງປະຊຸມຮຽບຮຽງກົດໝາຍວ່າດ້ວຍຢາ ແລະ ຜະລິດຕະພັນການແພດ (ສະບັບປັບປຸງ)
(ສພຊ) - ກອງປະຊຸມຮຽບຮຽງກົດໝາຍວ່າດ້ວຍຢາ ແລະ ຜະລິດຕະພັນການແພດ (ສະບັບປັບປຸງ) ໄດ້ຈັດຂຶ້ນໃນວັນທີ 23-24 ກໍລະກົດນີ້ ທີ່ເມືອງວັງວຽງ ແຂວງວຽງຈັນ ໂດຍການເປັນປະທານຂອງທ່ານ ຄໍາໃບ ດຳລັດ ຮອງປະທານສະພາແຫ່ງຊາດ (ສພຊ); ເຂົ້າຮ່ວມມີບັນດາທ່ານປະທານ ແລະ ຮອງປະທານກຳມາທິການທີ່ກ່ຽວຂ້ອງພາຍໃນ ສພຊ, ຮອງລັດຖະມົນຕີກະຊວງສາທາລະນະສຸກ, ຮອງລັດຖະມົນຕີກະຊວງຍຸຕິທໍາ, ຮອງຫົວໜ້າຫ້ອງວ່າການສໍານັກງານປະທານປະເທດ, ຄະນະທີ່ປຶກສາທາງດ້ານກົດໝາຍຂອງຄະນະປະຈໍາສະພາແຫ່ງຊາດ ພ້ອມດ້ວຍຄະນະກົມ, ພະແນກ ແລະ ພະນັກງານທີ່ກ່ຽວຂ້ອງ.
ກອງປະຊຸມປະເມີນການຈັດຕັ້ງປະຕິບັດ ຍຸດທະສາດພັດທະນາ ວຽກງານການຢາໂຮງໝໍ 2021-2025
ກົມອາຫານ ແລະ ຢາ ໄດ້ຈັດກອງປະຊຸມ ກະກຽມປະເມີນການຈັດຕັ້ງປະຕິບັດຍຸດທະສາດພັດທະນາວຽກງານການຢາໂຮງໝໍ 2021-2025 ຂຶ້ນ ຢູ່ທີ່ ຣີສອດນາປ່າກວາງ, ເມືອງ ແກ້ວອຸດົມ, ແຂວງ ວຽງຈັນ ຂອງ ວັນທີ 25-27 ມິຖຸນາ 2025. ໂດຍການເປັນປະທານ ຂອງ ທ່ານ ປອ ດຣ. ສຸຣິສັກ ສູນວໍລະວົງ ຮອງຫົວໜ້າກົມອາຫານ ແລະ ຢາ ໂດຍມີເປົ້າໝາຍຜູ້ເຂົ້າຮ່ວມທີ່ມາຈາກ: ກົມອາຫານ ແລະ ຢາ, ສູນສະໜອງຢາ ແລະ ອຸປະກອນການແພດ, ຂະແໜງອາຫານ ແລະ ຢາ, ໂຮງໝໍແຂວງ ແລະ ໂຮງໝໍເມືອງ ທັງຫົວໜ້າ ແລະ ວິຊາການ ລວມທັງໝົດ 18 ແຂວງ ທົ່ວປະເທດ ຈຳນວນ 64 ທ່ານ.